讀障助學障 重拾校園樂
明報 日期: 2016 年 10 月 31 日 星期一
【明報專訊】對好多人嚟講，校園生活係快樂回憶，但對於有學習障礙嘅同學仔 並非必然。Emily 噚日出席展能學童獎學金頒獎禮，呢個獎係表揚學障同學喺學 業、品行同社會服務嘅表現。
其中中四學生鍾文軒，自細有過度活躍症同讀寫障礙，溫書時間比人多三四倍， 細個亦會百厭啲。佢噚日得到「關懷融合學生獎」，校長大讚佢喺校內好乖，會 主動幫其他有學習障礙嘅同學仔融入校園生活。文軒話小學時好想同人玩，但自 己又唔識表達，童年變得孤獨，升中後各方面都進步，甚至入排球隊一齊出去比 賽攞獎，社交圈子大咗好多。�家文軒見到有同類背景嘅同學被排斥，會主動帶 佢哋融入，「我童年時冇咗呢啲回憶，唔想其他人嘅中學生涯都無」。
今屆有 180 個學生獲提名，頒發 30 個不同獎項，評審之一嘅教育局督學何志權 同心光盲人院副院長黃君保不約而同話，今屆獲提名嘅學生，傑出表現唔只局限 於課室，而係走出社會，好似有輕度智障嘅梁偉開，已連續幾屆擔任香港特殊奧 運會嘅「金牌司儀」，今屆就獲得傑出展能學童獎。
克服身體障礙 學生發揮潛能
都市日報 日期: 2016 年 10 月 31 日 星期一
莘莘學子在遇上繁重學業壓力時，難免會萌生放棄念頭，但一群有身體障礙、受 特殊教育的學生，選擇迎難而上，發揮本身潛能及盡力融入社會。
由香港蜆殼有限公司及港島青年商會等合辦的展能學童獎學金，昨舉行頒獎禮。 患中度智力障礙的 18 歲非華裔學生馬德生，得獎後表現緊張。他表示，喜愛上 學和讀書，最喜愛踢足球；其膝蓋雖有傷患，但仍無損決心，「平時會同校長、 同學、老師一齊踢，入波後會同隊友 Give me five」。其餘時間，他也有打籃球、 跳舞及短跑等。
僅 15 歲的鍾文軒是一名有特殊教育需要的學生。他指自己有讀寫障礙，平時會 「坐唔定」，溫書時間亦較其他同學長。他又稱，當堅持不放棄去完成目標後， 會感到開心。他也會致力協助同學融入校內社交生活，「令到其他人可以有啲回 憶」。
香港特殊學校議會主席沈少芳校長說，受特殊教育的學生於畢業後，往往要面對 就業困難的挑戰，因僱主未必有資源配合學生的特殊需要，「學生搵工時選擇上 較蝕底」。不過，她補充，有關學生通常都有一定的工作能力，且工作時有正面 態度，又較忠誠，期望教育局日後聯絡商界時，建議商界提供合適崗位予特殊教 育學生。